به‌پێی ڕاگه‌یه‌ندراوی كۆمسیۆنی باڵای سه‌ربه‌خۆی هه‌ڵبژاردنه‌كانی عێراق، سبه‌ی‌ کۆمیسیۆن تیروپشک بۆ دامه‌زراندنی فه‌رمانبه‌رانی سه‌ر سندوقه‌كانی ده‌نگدان دەکات.

ئاوێنه‌: بەپێی ڕاگەیه‌نراوێکی کۆمیسیۆن، کاتژمێر 10ی سه‌ر له‌به‌یانی‌ سبەی یەکشەممە لەشاری هەولێر، تیروپشکی تایبەت بەدامه‌زراندنی فه‌رمانبه‌رانی سه‌ر سندوقه‌كانی ده‌نگدان دەکرێت.

به‌گوێره‌ی‌ ڕاگه‌یه‌ندراوه‌كانی‌ پێشتری‌ كۆمسیۆنی باڵای سه‌ربه‌خۆی هه‌ڵبژاردنه‌كانی عێراق، كۆمسیۆن پێویستی به‌زیاتر له‌ 43 هه‌زار فه‌رمانبه‌ره‌، بۆ سه‌ر سندوقه‌كانی ده‌نگدان له‌هه‌ڵبژاردنی په‌رله‌مانی كوردستان كه‌ بڕیاره‌ ڕۆژی‌ 20ی‌ 10ی‌ 2024 به‌ڕێوه‌بچێت.

هه‌ر له‌چوارچێوی‌ ئاماره‌كارییه‌كان بۆ هه‌ڵبژاردنی‌ خولی‌ شه‌شه‌می‌ په‌رله‌مانی‌ كوردستان، ئه‌مڕۆ شه‌ممه‌، کۆمیسیۆنی باڵای سەربەخۆی هەڵبژاردنەکانی عێراقتیروپشکی بۆ ناوی ئەو لیست‌و كاندیدانه‌ کرد، کە تازە ناویان لەکۆمیسیۆن تۆمار کردووە.