قوباد تاڵه‌بانی، لێپرسراوی مەکتەبی سکرتارییەتی مام جەلال رایده‌گه‌یه‌نێت، با كاك مه‌سعود برا گه‌وره‌یی خۆی بسه‌لمێنێت و بێته ده‌باشان و كێشه‌كان چاره‌سه‌ر بكات، ئه‌مه براگه‌وره‌ییه نه‌ك ده‌ركردنی راگه‌یه‌ندراو. جه‌ختیش ده‌كاته‌وه كه یه‌كێتی ناچێته ئه‌و په‌رله‌مانه‌ی كه نایاسایی پێكهێندراوه. ده‌شڵێت، پارتی ویستی ئیرادەی خۆی بسەپێنێت، بەڵام شکستدێنێت.
ئاوێنه: قوباد تاڵه‌بانی، لێپرسراوی مه‌ته‌بی سكرتارییه‌تی مام جه‌لال، ئه‌مڕۆ هه‌ینی، له كۆنگره‌یه‌كی رۆژنامه‌وانیدا له‌باره‌ی راگه‌یه‌ندراوه‌كه‌ی مه‌سعود بارزانی، سه‌رۆكی پارتی، وتی "یەکێک بیه‌وێت برا گەورەیی خۆی بسەلمێنێت، به راگه‌یه‌ندراوێك نایكات، یەکێک بیه‌وێت برا گەورەیی خۆی بسەلمێنێت، وەکو ئەوەی چۆن کاتی خۆی، جەنابی مام جەلال برا گەورەیی خۆی سەلماند لە کاتی ناکۆکی نێوان پارتی و یەکێتی و خۆی چو بۆ لای جەنابی کاک مەسعود و كێشه‌كانی چاره‌سه‌ركرد"، ئاوا ده‌یكات.
وتیشی " ئێستا ئەگەر ڕای براتان ئه‌وێت یەکێک پێی وایە برا گەورەیی خۆی بسەلمێنێت، شارەکەمان شارێکی جوانە دەباشان ماڵی هەموانە، زۆر ئاساییه جەنابی کاک مەسعود بێت بۆ لای جەنابی کاک بافڵ لێرە و كێشه‌كان چاره‌سه‌ربكات. ئەمە برا گەورەییه نەک بە بەیان و بە پەیام و شتێک کە هەمومان ئەزانین مەبەست و نیتەکەی چی بو."
قوباد تاڵه‌بانی له به‌شێكی دیكه‌ی قسه‌كانیدا جه‌ختی كرده‌وه كه په‌رله‌مانی كوردستان بە نایاسایی پێکهێندراوە، هەرگیز ناچینە ناوی.
ئه‌وه‌شی خسته‌ڕو، کۆبنەوە چوارقۆڵییەکەی ماڵی ئێمە تێکدرا لەکاتێکدا خواردنیش کرابو.
ئه‌وه‌شی وت "ئەم حکومەتە وەک نەخۆشێکە بە جیهاز بە زیندویی هێڵدراوەتەوە."
هه‌روه‌ها وتیشی "پارتی ویستی ئیرادەی خۆی بسەپێنێت بەڵام شکستدێنێت."