سەرۆكایەتی هەرێم رایگەیاند، ئەمڕۆ یەكشەممە، نێچیرڤان بارزانی، سەرۆكی هەرێم بە سەردانێكی رەسمی دەگاتە پاریس و سبەی دوشەممە، لەگەڵ ئیمانوێل ماكرۆن، سەرۆكی فەرەنسا كۆدەبێتەوە.
ئاوێنە: سەرۆكایەتی هەرێم لە راگەیەندراوێكدا وتی، ئه‌مڕۆ يه‌كشه‌ممه 2025/4/13 نێچيرڤان بارزانى، سه‌رۆكى هه‌رێمى كوردستان، به سه‌ردانێكى فه‌رمى له‌سه‌ر بانگهێشتى ئيمانوێل ماكرۆن سه‌رۆكى فه‌ره‌نسا، ده‌گاته پاريس.
ئاماژە بەوەشدراوە، به‌پێى كارنامه‌ى سه‌ردانه‌كه، سبه‌ى دوشه‌ممه، نێچيرڤان بارزانى و ئيمانوێل ماكرۆن له كۆشكى ئه‌ليزێ كۆدەبنەوەو په‌يوه‌ندييه‌كانى فه‌ره‌نسا له‌گه‌ڵ عێراق و هه‌رێمى كوردستان و هاريكاريى هاوبه‌شى نێوانيان تاوتوێ ده‌كه‌ن، هه‌روه‌ها ده‌رباره‌ى به‌ره‌نگاربونه‌وه‌ى تيرۆر و دوايين پێشهاته‌كانى ڕۆژهه‌ڵاتى ناوه‌ڕاست، بيروڕا ده‌گۆڕنه‌وه.