نوسینگەی عەلی سیستانی، مەرجەعی باڵای ئایینی شیعەكانی عێراق رایگەیاند، پێشبینی دەكەن رۆژی دوشەممەی هەفتەی داهاتو یەكەم رۆژی جەژنی رەمەزان بێت.
ئاوێنە: نوسینگەی عەلی سیستانی، ئەمڕۆ یەكشەممە، لە راگەیەندراوێكدا وتی، پێشبینی دەكەین ئێوارەی ڕۆژی دوشەممە 30ی ئازار، مانگ بەڕونی ببینرێت و بەوەش رۆژی دوشەممە 31ی ئازار یەكەم رۆژی جەژنی رەمەزان بێت.
ئەوەش لەكاتێكدایە كە لە هەرێمی كوردستان و بەشێكی زۆری وڵاتانی ئیسلامی سوننە مەزهەب، رۆژی شەممە 1ی ئازاری 2025یان وەك یەكەم رۆژی مانگی رەمەزان دیاریكرد بەڵام وڵاتانی شیعە مەزهەب، رۆژی یەكشەممە 2ی ئازاریان وەك رۆژی رەمەزان دیاریكرد.