بەڕێوەبەری کۆمپانیای گشتیی بازرگانیی خۆراک لە وەزارەتى بازرگانى رایگەیاند: برنجی بەشەخۆراکی مانگانەى 2025 گەیشتە عێراق و دەستیانکردووە بە پشکینین تا بزانن کوالیتییەکەى لەچ ئاستێکدایە.
ئاوێنە: لەما هاشم موسەویی، بەڕێوەبەری کۆمپانیای گشتیی بازرگانیی خۆراک لە وەزارەتى بازرگانى عێراق بە ڕۆژنامەی دەستوری ڕاگەیاندوە، کەشتییەکى بارهەڵگر لە تایلەنەدەوە گەیشتووەتە بەندەرى ئوم قەسر، هەڵگری 42 هەزار تۆن برنجى تایبەتە بە بەشە خۆراکی ساڵى 2025ـى هاووڵاتییانى عێراق.
موسەویی ئاماژەی بەوەشكرد، دەستیانکردووە بە پشکینین تا بزانن کوالیتییەکەى لەچ ئاستێکدایە و بۆ خواردن شیاوە یان نا، ووتیشی: بۆ ئەو مەبەستە نمونەیان ناردووە بۆ تاقیگەى ناوەندی لە بەغدا.
هاوكات ئەسیر داود غەریر وەزیری بازرگانى عێراقیش رایگەیاندووە چاوەڕاونى بەشە ئاردی ساڵی نوێن بگاتە کۆگاکانیان و لە ئەمڕۆشەوە دەرگاى بریکارەكان دەکرێنەوە بۆ وەرگرتنى یەکەم بەشە خۆراکى ساڵی نوێى هاووڵاتییان.