بڕیارە هەفتەی داهاتو نێچیرڤان بارزانی، سەرۆكی هەرێمی كوردستان سەردانی بەغدا بكات بەمەبەستی بەشداریكردن لە كۆبونەوەی هاوپەیمانی ئیدارەی دەوڵەت.
ئاوێنە: دڵشاد شەهاب، وتەبێژی سەرۆکایەتیی هەرێمی کوردستان ئەمڕۆ پێنجشەممە، بە میدیای پارتی راگەیاند، هەفتەی داهاتو نێچیرڤان بارزانی، سەرۆکی هەرێمی کوردستان سەردانی بەغدا دەکات و بەشداری لە کۆبونەوەی لایەنە پێکهێنەرەکانی حکومەتی عێراق (ئیدارەی دەوڵەت) دەکات.
دڵشاد شەهاب وتیشی، بڕیارە نێچیرڤان بارزانی لەگەڵ لایەنە سیاسییەکانیش بە جیا کۆببێتەوە.
كۆبونەوەكەی هاوپەیمانی ئیدارەی دەوڵەت كە محەمەد شیاع سودانی، سەرۆك وەزیرانی عێراقیش بەشداری تێدا دەكات، بڕیارە رۆژی یەكشەممەی داهاتو بەڕێوەبچێت، لەگەڵ ئەوەش هەندێك لە سەركردەكان داوای پێشختنی كۆبونەكەیان كردوە بۆ رۆژی شەممە.