بەپێی زانیارییەكان نرخی بەنزین و غاز و نەوت لە هەرێمی كوردستان بەرزبووەوە، بەجۆرێك نرخی لیترێك بەنزینی جۆری نۆرماڵ گەیشتە ٩٥٠ دینار و موحەسەنیش گەیشتە هەزار و ١٥٠ دینار و هەروەها یەك لیتر غازیش لە ٤٥٠ دینارە بووەتە ٥٠٠ دینار و نرخی یەك لیتر نەوتیش لە ٧٠٠ دینارەوە بوەتە ٧٢٠ دینار.
ئاوێنە: بەپێی زانیارییەكان نرخی هەریەكێك لە جۆرەكانی بەنزین لە هەرێمی كوردستان ٢٥ بۆ ٥٠ دینار بەرزبوەتەوە بەجۆرێك نرخی لیترێك بەنزینی نۆرماڵ لە ٩٢٥ دینارەوە بووەتە ٩٥٠ و بەنزینی موحەسەن بووەتە ١ هەزار و ١٥٠ دینار.
هاوكات جگە لە بەرزبنەوەی نرخی جۆرەكانی بەنزین هەروەها نرخی یەك لیتر غازیش لە ٤٥٠ دینارە بووەتە ٥٠٠ دینار و نرخی یەك لیتر نەوتیش لە ٧٠٠ دینارەوە بوەتە ٧٢٠ دینار.
ئەوەش لەكاتێكدایە، وەزارەتی سامانە سروشتیەكانی حكومەتی كاربەڕێكەی هەرێم لە ١٠ـی ئەیلولی ئەمساڵ بڵاوی كردەوە، نرخی بەنزین لە هەرێمی كوردستان دادەبەزێت بەڵام وەك هاوڵاتیان دەڵێن، نەك نرخەكەی دانەزبووە، بەڵكو بەبێ هیچ هۆكاریك نرخی سوتەمەنی بە گشتی بەرزدەبێتەوە.