وەزارەتی تەندروستی هەرێم لە گشتاندنێكدا بۆ بەڕێوەبەرایەتییە گشتییەكانی تەندروستی داوا دەكات كاری پێویست ئەنجام بدەن بۆ رێگریكردن لە هەر سەرپێچییەك لە جێبەجێكردنی رێكارەكانی پڕۆژەی هەژماری من و دەشڵێت، سزای ئەوانە دەدرێت كە سەرپێچیكارن و بەرسەت دروست دەكەن لەبەردەم بەجێگەیندنی پڕۆژەكە.
ئاوێنە: وەزارەتەكە لە گشتاندنەكەیدا وتویەتی، بەڕێوەبەرایەتییە گشتییەكانی تەندروستی و سەرجەم بەڕێوەبەرایەتی و كارگێڕی و دامودەزگاكانی تەندروستی كاری پێویست ئەنجام بدەن بۆ بەدواداچون و جێبەجێكردنی رێكارەكانی پڕۆژەی هەژماری من و رێگریكردن لە هەر سەرپێچییەك.
ئەوەشی خستۆتەڕو، لەم روەوە، رێكاری یاسایی و كارگێڕی پێویست وەردەگیرێت و فەرمانبەرانی كەمتەرخەم و سەرپێچیكار كە بەربەست دروست دەكەن لەبەردەم بەجێگەیاندنی پڕۆژەی هەژماری من، لێپرسینەوەیان لەگەڵ دەكرێت و سزا دەدرێن.
