كارەبای سلێمانی رایگەیاند، لە سبەینێ هەینییەوە، بەرنامەی كاركردنی مۆلیدە ئەهلییەكان گۆڕانكاری تێدا دەكرێت و پێدانی كارەبای مۆلیدە بە هاوڵاتیان كەم دەكرێتەوە.
ئاوێنە: بەڕێوەبەرایەتی گشتی كارەبای سلێمانی، ئێوارەی ئەمڕۆ پێنجشەممە، لە راگەیەندراوێكدا وتی، لە سبەینێ هەینی 1/11/2024ەوە بەرنامەی کارکردنی مۆلیدە ئەهلییەكان دەگۆڕدرێت و کەمدەکرێتەوە و بەم شێوەیەی خوارەوە دەبێت:
-رۆژانە لەکاتژمێر 12ی نیوەڕۆ تا 1ی شەو کاردەکەن.
-كاتژمێر 1ی شەو دەکوژێتەوە تا 6:30ی بەیانی.
-كاتژمێر6:30ی بەیانی تا 8ی بەیانی کاردەکەن.
-کاتژمێر 8ی بەیانی تا 12ی نیوەڕۆ کارناکەن.
-رۆژانی هەینی بەیانیان کارناکەن، لەبری بەیانی کاتژمێر 11ی پێشنیوەڕۆ کاردەکەن.
-بەرنامەکەش لە ئەمشەوەوە جێبەجێ دەکرێت.