وەزارەتی کشتوکاڵی عێراق پلانی نوێ دادەنێت بۆ رێگری کردن لە بەرزبوونەوەی نرخی گۆشتی سور، بۆ ئەو مەبەستەش پلانی نوێ ئامادە کراوە.
ئاوێنە: ئەمڕۆ هەینی محەمەد خەزاعی وتەبێژی وەزارەتی کشتوکاڵی عێراق ڕایگەیاند، چەندین پلانیان داناوە بۆ کەمکردنەوەی نرخی گۆشتی سوور لە بازاڕەکانی عێراق و هەرێمی کوردستان .
هاوکات وتیشی لەگرنگ ترین ئەو پلانانەی دانراون، هاوردەکردنی ئاژەڵی زیاترە بۆ مەبەستی بەخێوکردن و سەربڕین لە هەریەک لە وڵاتەکانی سۆماڵ، جیبۆتی لە ئەفریقا و چەند وڵاتێکی دیکە.
لە ماوەی رابردوودا لە بازاڕەکانی عێراق و هەرێمی کوردستان، بەهۆی کەمی ئاژەڵ لە ناوخۆدا و رێگری لە هاتنی لە بەشێکی دەروازەکانەوە، نرخی گۆشتی سوور بەرزبووەوە و بەجۆرێک لە هەرێمی کوردستان نرخی کیلۆیەک گۆشتی سوور گەیشتە نزیکەی 24 هەزار دینار.