سەرچاوەیەک لە هێزەکانی حەفتای یەکێتی ڕایگەیاند، نزیکەی 10 هەزار خانەنشین موچەکانیان لە لایەن وەرزارەتی داراییەوە ڕاگیراوە، چونکە ناویان لە وەزارەتەکە نییە و پێشتریش موچەیان لەسەر هێزەکانی حەفتا وەرگرتوە نەک وەزارەتی دارایی.
ئاوێنە: ئەو سەرچاوەیەی هێزەکانی حەفتا کە نەیویستوە ناوەکەی ئاشکرا بکرێت، ئەمڕۆ چوارشەممە، بە دەنگی ئەمەریکای ڕاگەیاندوە"نزیکەی 10 هەزار خانەنشین موچەیان وەرنەگرتوە و گرفتمان هەیە، چونکە وەزارەت دەڵێت ناویان نییە لە وەزارەتی دارایی."
وتیشی،"ئەو کەسانە پێشتر لەسەر هێزەکانی حەفتا موچەیان وەرگرتوە نەک وەزارەتی دارایی، لە ئێستاشدا بە هاوبەشی لەگەڵ وەزارەتەکە خەریکی چارەسەر کردنی کێشەکەین، چونکە سەرجەمیان دۆسیەی پێویست و تایبەت بە خۆیان هەیە."