بەهۆی زۆری خواست لەسەر مریشکی زیندوو نرخی کیلۆیەکی گەیشتە سێ هەزار دینار.
ئاوێنە: ئەمڕۆ چوارشەممە، ٩ی تشرینی یەکەمی ٢٠٢٤، نرخی مریشکی زیندوو بەهۆی زۆری خواست و بەکارهێنان، بەرزبوەوە بۆ سێ هەزار دینار، کە لە چەند مانگی ڕابردوودا نرخی کیلۆیەک مریشک لە دوو هەزار ٥٠٠ دینار تێپەڕی نەدەکرد.
ئەمە لە کاتێکدایە، کە ساڵانە زیاتر لە 105 ملیۆن مریشک لە هەرێمی کوردستان گەورە دەکرێن کە دەکاتە نزیکەی 250 هەزار تۆن گۆشت، لەکاتێکدا پێداویستیی ساڵانەی گۆشتی مریشک لە نێوخۆدا 146 هەزار تۆنە. ئەوەی لە پێداویستیی نێوخۆ زیاترە هەناردەی پارێزگاکانی عێراق دەکرێت.