پۆلیسی هەولێر ده‌ستگیركردنى ژنێکی جادوگەری ئاشكراكرد كە بەفێڵ بڕی 50 ملیۆن دیناری لەژنێک وەرگرتبوو گوایه ده‌یگه‌یه‌نێت بەخۆشەویستەكەی.
ئاوێنە: لە راگەیەنراوێکدا بەڕێوەبەرایەتی پۆلیسی هەولێر بڵاویکردەوە، "تۆمەتبارێکمان دەستگیرکرد کە بەناوی سیحرو جادوو فاڵگرتنەوەو فێڵکردن لەهاوڵاتییان زیاتر لە(50 ملیۆن دینار)ی بەشێوەی جیاجیا لەژنێک وەرگرتبوو، دواتریش هەڕەشەی لێکردبوو".
ئەوەشیخستەڕوو، جادوگەرەکە بەبیانوی ئەوەی کەوا ڕێگه‌یەکی ڕاستی پیشاندەدات‌و دەیگەیەنێت بەخۆشەویستەکەی، ئەو پارانەی لەو ژنە وەرگرتوە.
پۆلیسی هەولێر دەڵێت، " تۆمەتبارەكە دانی ناوە بەتاوانەکەیدا، بۆیە دوای دەستگیرکردنی، ڕادەستی دادگا کراوەو لێکۆڵینەوەش لەگەڵیدا بەردەوامە".