بەگوێرەی میدیاكانی پارتی، وەزارەتی دارایی عێراق رەزامەندی داوە لەسەر خەرجكردنی ئەو كورتهێنانەی بۆ دابەشكردنی موچەی مانگێكی موچەخۆرانی هەرێم دروست بوە كە بڕەكەی 243 ملیار دینارە.
ئاوێنە: بەگوێرەی زانیارییەكان ئەمڕۆ دوشەممە وەفدێكی تەكنیكی هەرێمی کوردستان بۆ چارەسەکردنی گرفتەکانی موچە چوەتە بەغداو لەگەڵ هاوتاكانیان لە وەزارەتی دارایی عێراق كۆبونەتەوە.
بەگوێرەی میدیاكانی پارتی بۆ موچەی مانگی هەشت 755 ملیار دینار لەبەردەست حكومەتی هەرێمدایەو ئەوەش بڕی 243 ملیار دینار کورتهێنانی هەیە، بەڵام وەزارەتی دارایی عێراق ڕازی بوە ئەو كورتهێنانە بنێرێت.
بەگوێرەی میدیاكانی پارتی لەگەڵ گەیشتنی ئەو 243 ملیار دینارە لیستی دابەشکردنی موچەی مانگی هەشت لە هەرێمی کوردستان ڕادەگەیەنرێت و لە چەند ڕۆژێکدا سەرجەم موچەخۆران موچەی مانگی هەشت وەردەگرن.
یەكێك لە میدیاكانی پارتی ئاماژەی بەوەداوە كە ئەم هەفتەیە دەست بە دابەشکردنی موچەی مانگی هەشت دەکرێت، بە ئەگەری زۆرەوە هەفتەی داهاتوش دەست بە خەرجکردنی موچەی مانگی نۆ دەکرێت و پاش ئەوە دابەش دەكرێت.