وەزارەتی تەندروستی عێراق رایگەیاند، لە سەرەتای ئەمساڵەوە تاوەكو ئێستا لە هەرێمی كوردستان 14 حاڵەتی توشبون بە تای خوێنبەربون تۆماركراون و یەكێكیان كە لە دهۆك بوە گیانی لەدەستداوە.

ئاوینە: سەیف بەدر، وتەبێژی وەزارەتەكە، ئەمڕۆ دوشەممە، لە لێدوانێكدا بۆ میدیای رەسمی عێراق، دوایین ئاماری توشبون و گیانلەدەستدانی بە تای خوێنبەربون لە پارێزگاكانی عێراق و هەرێمی كوردستان خستۆتەڕو.

سەیف بەدر، وتویەتی، لە سەرەتای ئەمساڵەوە تاوەكو ئێستا لەسەرجەم پارێزگاكانی عێراق بە هەرێمی كوردستانەوە، 178 توشبوی تای خوێنبەربون تۆماركراون كە 26 كەسیان گیانیان لەدەستداوە.

لەو ژمارەیەی توشبوان بەپێی قسەی وتەبێژی وەزارەتی تەندروستی عێراق، 14 توشبویان لە پارێزگاكانی هەرێم تۆماركراون بەمشێوەیە: 6 توشبو لە هەولێر، 5 توشبو لە دهۆك كە یەكێكیان گیانی لەدەستداوە، 3 توشبو لە سلێمانی.

هەر بەپێی ئامارەكە 4 توشبوی نەخۆشییەكە تۆماركراون كە یەكێكیان گیاانی لەدەستداوە.