وتەبێژی حکومەتی هەرێمی کوردستان بە میدیای پارتی ڕاگەیاند، تیمی تەکنیکی وزارەتی دارایی حکوومەتی هەرێمی کوردستان لە بەغدا کوبونەوەکانیان دەست پێ کردووە و لیستی مووچەی مانگی ئاب و ئەیلوولیان لەگەڵ خۆیان بردووە.
ئاوێنە: پێشەوا هەورامانی وتەبێژی حکومەتی هەرێمی کوردستان، ئاماژەی بەوەش کردووە، هەرچەندە بڕیاربوو شاندێکی باڵای حکوومەتی هەرێمی کوردستان بچێتە بەغدا، بەڵام تیمی تەکنیکی وەزارەتی دارایی و ئابووری هەرێمی کوردستان ئێستا لە بەغدایە کوبونەوەکانیان دەستی پێکردووە و لیستی مووچەی هەردوو مانگی هەشت و نۆ و میزانیەی مراجەعە وڵامی هەموو پرسیارەکانی وەزارەتی دارایی حکوومەتی عێراقیان لەگەڵ خۆیان بردووە.
دەشڵێت: تیمی تەکنیکی وەزارەتی دارایی داویین ئاپدێیتی بایۆمەترشیان بردووە بەدواداوچوون بۆ کورتهێنانی پارە مانگی ئاب دەکەن کە وەزارەتی دارایی نەیناردووە و بڕەکەی زیاتر لە 240 ملیار دینارە و پرسیاری هۆکاری نەناردنەکەشی دەکەن.
چوونی تیمی تەکنیکی وەزارەتی دارایی هەرێمی کوردستان بۆ بەغدا لە کاتێکدایە، دوێنێ یەکشەممە 22ـی ئەیلوولی 2024، وەزارەتی دارایی و ئابووری بڵاوی کردەوە، کە 243 ملیار دینار لە مووچەی مانگی هەشت کورتهێنانیان هەیە و ئێستا 755 ملیار دینار لەبەردەستە.