هەپەگە رایگەیاند، لە دو رۆژی رابردودا لە چەند چالاكییەكی گەریلادا لە ناوچەی زاپ، نۆ سەربازی توركیا كوژراون و بۆمبهاوێژێك لەناوبراوە، هەروەها لە ناوچەی مەتیناش درۆنێكی سوپای توركیا خراوەتە خوارەوە.
ئاوێنە: ناوەندی راگەیاندن و چاپەمەنی هێزەكانی پاراستنی گەل-هەپەگە، ئەمڕۆ پێنجشەممە، لە راگەیەندراوێكدا وتی، رۆژانی 17 و 18ی ئەیلول، هێزەكانی گەریلا لەناوچەی زاپ سێ چالاكیان لە دژی هێزەكانی سوپای توركیا ئەنجامداو ن و لە ئاكامدا نۆ سەربازی ئەو وڵاتە كوژراون.
هێمای بۆ ئەوەش كردوە كە لە یەكێك لەو چالاكیانەی گەریلادا لەناوچە زاپ "بۆمبهاوێژێکی زنجیردار و جبەخانەیەکی داگیرکەران تەقێندرایەوە و لەناوبرا."
بەگوێرەی راگەیەندراوەكە، دوێنێ 18ی ئەیلول، لە چالاكییەكی دیكەی گەریلادا لە ناوچەی مەتینا، درۆنێکی بۆمبڕێژکراوی سوپای توركیا بە نیشانەشکێن خرایەخوارەوە.