ئەلینا رۆمانۆوسكی، باڵیۆزی ئەمریكا لە عێراق رایگەیاند، كونسوڵی گشتی وڵاتەكەیان لە هەولێر لەگەڵ سەركردەكانی هەرێمی كوردستان كۆبوەتەوە بۆ جەخت كردنەوە لەسەر گرنگی بەڕێوەچونی هەڵبژاردنێكی ئازاد و بێگەرد لە هەرێمی كوردستان.
ئاوێنە: ئەلینا رۆمانۆوسكی، ئەمڕۆ شەممە، لە هەژماری خۆی لە تۆڕی ئێكس وتویەتی، ستیڤ بیتنەر، كونسوڵی گشتی نوێی ئەمریكا لە هەولێر لەگەڵ سەركردەكانی هەرێمی كوردستان كۆبوەتەوە بۆ جەختكردنەوە لەسەر گرنگی بەڕێوەچونی هەڵبژاردنێكی ئازاد و بێگەر لە هەرێمی كوردستان لە رۆژی 20ی تشرینی یەكەم.
باڵیۆزی ئەمریكا ئاماژەی بەوەشداوە، ئێمە پابەندین بە كاركردن لەگەڵ هاوبەشەكانمان لە حكومەتی هەرێمی كوردستان بۆ پتەوكردنی سەقامگیری و ئاسایشی عێراق لەڕێگەی پڕۆسەی دیموكراسییەوە.