ئەمڕۆ هەینی لە سلێمانی نرخی هەر سێ جۆرەكەی بەنزین بەرزبوەوەو كەمی بەنزین و بەرزبونەوەی خواست لەسەری، بە هۆكار دەزانرێن.
ئاوێنە: بەهمەن شێخ قادر، وتەبێژی بەنزینخانەكانی سلێمانی لە لێدوانێكدا وتی، بەهۆی بونی خواستی زۆر لەسەر بەنزین و كەمی رێژەی بەنزین و بڕینی پاڵپشتنی حكومەتی هەرێم و عێراق بۆ بەنزینخانەكان، جارێكی دیكە لە پارێزگای سلێمانی نرخی بەنزین بەرز بوەوە.
وته‌بێژی به‌نزینخانه‌كانی سلێمانی باسی له‌وه‌شكرد: نرخی بەنزین لە بەنزینخانەكانی پارێزگای سلێمانی بۆ هەر لیترێك 25 دینار بە هەر سێ جۆرەكەیەوە بەرزبوەتەوە.
به‌پێی نرخه نوێیه‌كه‌ی به‌نزین، له ئێستا لیترێك بەنزینی جۆری نۆرماڵ بە 875 دینارە، بەنزینی محەسەن لیتری بە هەزار و 75 دینار و بەنزینی سۆپەر هەزار و 225 دینارە.