دوای دەستبەکاربوونی وەک پارێزگاری کەرکوک رێبوار تەها پێشوازی لە ئیبراهیم عەلی کرد کە وەک جێگری هونەریی پارێزگار دەستبەکاربوو.
ئەمڕۆ پێنجشەممە رێبوار تەها پارێزگاری کەرکوک پێشوازی لە ئیبراهیم عەلی جێگری هونەریی پارێزگار کرد و لە دیدارێکدا کە هەریەکە لە رەعد ساڵح جبوری ئەندامی ئەنجومەنی پارێزگای کەرکوک و فەرماندەی پۆلیسی کەرکوک و بەڕێوەبەری (باری شارستانی و ره‌گه‌زنامه و نیشتەجێبوون)ی کەرکوک و ژمارەیەک کەسایەتیی دیکە ئامادەی بوون جەختکرایەوە لە خزمەتکردنی هاوڵاتییانی کەرکوک و پێکەوەژیان لە نێوان پێکهاتەکانیدا.
هەر لە دیدارەکەدا هەردوو لا پەرۆشی و هاودەنگی خۆیان دووپاتکردەوە بۆ کارکردن بۆ خزمەتکردنی هاوڵاتییانی کەرکوک و باشترکردنی ره‌وشی خزمەتگوزاری و تۆكمه‌تركردنی ئاسایش و سەقامگیری پارێزگاکە و کارکردن بۆ بەهێزکردنی پێکەوە ژیان و هاوبەشی نێوان سەرجەم پێکهاتەکانی کەرکوک.