بەڕێوەبەری گشتیی بەڕێوەبەرایەتیی حەج‌و عومرەی هەرێم ئاشكرایده‌كات، لەسەر ڕاسپاردەی ئه‌نجومه‌نى وه‌زیران، لیژنەیەک بۆ لێکۆڵینەوە لەکۆمپانیا وەهمییەکانی حەج‌و عومرە پێکهێنراوە، ده‌شڵێت:"94 كۆمپانیا كاره‌كانیان ڕاگیراوه‌".

نیاز نەقشبەندی بەڕێوەبەری گشتیی بەڕێوەبەرایەتیی حەج‌و عومرەی هەرێم ڕایگەیاند، "زیاتر لە 94 کۆمپانیا لەهەرێمی کوردستان بەتۆمەتی کۆمپانیای وەهمی کارەکانیان ڕاگیراون‌و لیژنەیەکیش بۆ لێکۆڵینەوە لەکۆمپانیا وەهمییەکانی حەج‌و عومرە پێکهێنراوە".

جه‌ختیكرده‌وه‌، ئەوەی لەبەرژەوەندیی هاووڵاتییاندا بێت دەیکەن‌و ئەو کۆمپانیایانەی کە ڕاگیراون دۆسیەکانیان لەدادگایە.

ماوەی نزیکەی ساڵێکە هەندێک کەس‌و کۆمپانیا کە تۆمارنەکراون‌و گرێبەستی فەرمیان نییە، هەوڵدەدەن بەشێوەیەکی نایاسایی هەوڵاتییانی هەرێم لەباشوورو ناوەڕاستی عێراق ببەن بۆ عومرە، هەندێکجاریش فێڵ لەهاووڵاتییان دەکەن، وتەبێژی بەرێوبەرایەتی حەج‌و عومرەش داوا لەهاووڵاتییان دەکات تەنها گەشت لەگەڵ کۆمپانیای فەرمیدا بکەن.