بەپێی زانیارییەكان هاوکاری هاوپەیمانان بۆ وەزارەتی پێشمەرگە خراوەتە سەر هەژماری وەزارەتەکەو بڕیارە سبەی چوارشەممە دەست بە دابەشكردنی بكرێت.
ئاوێنە: هاوكاری هاوپەیمانان بڕەکەی 432 هەزار دینارە بۆ هەر پلەدار و پێشمەرگە و ئەفسەرێکی لیواکانی پیادەی سەر بە وەزارەتی پێشمەرگە.
بەگوێرەی زانیارییەكان فەرماندەیی پشتیوانیی دو کە لە مانگەکانی رابردودا بێبەشبون لە هاوکارییەکانی هاوپەیمانان، لە دوایین کۆبونەوەی شۆڕش ئیسماعیل، وەزیری پێشمەرگە لەگەڵ تیمی راوێژکارانی سەربازی هاوپەیمانان کێشەکەیان چارەسەرکراوەو لەم مانگەوە هاوکارییەکە وەردەگرن.
هەروەها بۆ مانگی داهاتوش سەرجەم ئەو لیوا و فەوجانەی تر بێبەشبون لەم هاوکارییە کێشەکەیان چارەسەر کراوە و لە مانگی داهاتوە و هاوکاری هاوپەیمانان وەردەگرن.