لە پاش هەڕەشەکانی حزبوڵا و حەماس و ئێران بۆ تۆڵەسەندنەوە لە ئیسرائیل، لە ئێستادا كەوتووەتە حاڵەتی ئامادەباشی تەواوەوە و بۆ ئەو مەبەستە فڕۆکە جەنگییەکانی ئەو وڵاتە دەورییە ئاسمانییەکانیان لەسەر سنوورەکان چڕترکردووەتەوە و سیستەمی بەرگریی ئاسمانی لە ناوچەیەكی فراوان جێگركراوە.
میدیای فەرمی ئیسرائیل بڵاوی کردەوە، ئیسرائیل لە ئامادەباشییەکی تەواو و بەرزدایە و پێشبینی کاردانەوەی حزبوڵا و حەماس و ئێران دەکات، دوای ئەوەی فوئاد شوکر سه‌ركرده‌ی باڵای حزبوڵای کردە ئامانج لە لوبنان، هاوكات کوشتنی ئیسماعیل هەنییە لە تارانی پایتەختی ئێران.
ئاماژەی بەوەش كردووە، فڕۆکە جەنگییەکانی ئەو وڵاتە دەورییە ئاسمانییەکانیان لەناوچە سنوورییەکان چڕترکردووەتەوە و دەیان فڕۆکەی جەنگی ئامادەن و لەسەر ڕێڕەوی فڕینن بۆ هەر حاڵەتێكی بەرگریكردن یاخود هێرشبردن.
كەناڵەكە باسی لەوەش كردووە، ئیسرائیل سیستەمی بەرگریی ئاسمانی لە ناوچەیەكی فراوان جێگركردووە و هاوكاری لەگەڵ هاوپەیمانانی ناوچەكە چڕتركردووەتەوە.