سوپای ئیسرائیل، ئەمڕۆ هەینی، كوژرانی یەكێك لە فەرماندە باڵاكانی بزوتنەوەی جیهادی ئیسلامی فەلەستینی راگەیاند كە لە بۆردومانێكی ئاسمانیدا لە غەززە كوژراوە.
ئاوێنە: سوپای ئیسرائیل لە راگەیەندراوێكدا وتویەتی، ئەو فەرماندە باڵایەی بزوتنەوەی جیهادی ئیسلامی فەلەستینی كە كوژراوە، محەمەد جەعبەری، جێگری سەرۆكی یەكەی دروستكردنی چەك بوە لە بزوتنەوەكەو بەرپرسی تەمویلكردنی ئەو یەكەیە بوە.
بەپێی قسەی سوپای ئیسرائیل، محەمەد جەعبەری، لێپرسراوی بەرهەمهێنانی چەك بۆ بزوتنەوەی جیهادی ئیسلامی بوەو هەروەها بەرپرسی دابەشكردنی موچەو پارە بوە بەسەر ئەندامانی بزوتنەوەكەدا و رۆڵێكی گەورەی هەبوە لە هەوڵدان بۆ گەڕاندنەوەی توانای بزوتنەوەكە بۆ بەرهەمهێنانی موشەك.