ئاسایشی سلێمانی رایگەیاند، ئەو كچە 16 ساڵانەی كە دوێنێ لە زیندانی چاكسازیی سلێمانی هەڵات دەستگیركرایەوەو شەش كەسیش كە هاوكاری بون لە هەڵاتن و حەشاردان و گواستنەوەی، دەستگیركران.
ئاوێنە: بەڕێوەبەرایەتی ئاسایشی سلێمانی، لە راگەیەندراوێكدا وتی، ئێوارەی دوێنی 28/7/2024 دوای ئەوەی ڕاگیراوێکی زیندانی چاکسازی سلێمانی هەڵات، لەلایەن بەڕێوەبەرایەتی ئاسایشی سلێمانی توانرا لەماوەی کەمتر لە 24 کاتژمێردا لەشاری سلێمانی دەستگیربکرێتەوە.
هێمای بۆ ئەوەش كردوە، شەش تۆمەتبار كە هاوکاری بون لە هەڵاتن و حەشاردانی و گواستنەوەی، دەستگیرکران.
ئاماژەی بەوەشداوە، لە ئێستادا سەرجەم دەستگیرکراوان و ڕادەستی یاسا کران.