بانكی ناوەندیی عێراق كۆمپانیاكانی ئاڵوگۆڕی دراوی راسپارد كە بەنرخی رەسمی دۆلاری كاش بدەنە حاجیان ئەوەش لەچوارچێوەی رێوشوێنەكانی پێدانی دۆلاری كاش بە گەشتیاران.
ئاوێنە: بانكی ناوەندیی عێراق، لە نوسراوێكدا كە ئاڕاستەی كۆمپانیاكانی ئاڵوگۆڕی دراوی كردوە، وتویەتی، لەسۆنگەی نزیكبونەوەی وادەی دەستپێكردنی وەرزی حەجی ئەمساڵدا بڕیاردراوە لەچوارچێوەی رێوشوێنەكانی فرۆشتنی دۆلاری كاش بە گەشتیاراندا، دۆلار بە نرخی رەسمی بدرێتە حاجیان.
ئاماژەی بەوەشداوە، لەبری تكتی گەشت، بەڵگەنامەی دەستەی باڵای حەج و عومرەی عێراق كە بەشێوازی ئەلیكترۆنی پشتڕاستكرابێتەوە، پشتی پێ دەبەسترێت بۆ فرۆشتنی دۆلاری كاش بە حاجیان.
هەر بەپێی نوسراوەكە، هاوشێوەی گەشتیاران، بڕی سێ هەزار دۆلار بەنرخی رەسمی بە هەر حاجییەك دەفرۆشرێت.