بارەگای بارزانی نەم بارزانی خۆی؟

عەبدولرەزاق شەریف
  2025-12-03   

  مەراسیمەکەی زانکۆی شەرناخ و تەدارەکی پێشوازیکردن لە"مەسعود بارزانی"، تورکەکانی دڕدۆنگ و کوردەکانی شادمانکرد. "دەوڵەت باخچەلی"، وەک دەم سپی ئەوان، ئاخ و داخەکەی بەتیمی پرۆتۆکۆڵی میوانداریەکە ڕشت، رەخنەیەکی بەجێشی جێھێشت کەھەموان تێگەیشتین.  زانیشمان ئەو لەھوتافات و سرود و ناو و ئاڵاکەی سەر شانی پێشمەرگە دەھری ببوو بەڵام لەبەر خوڵکی میوانداری و خاترگرتنی ھەلومەرجی سیاسی و دڵڕاگرتنی لایەنەکانی ناوخۆی تورکیا تەنیا باسی لەتفەنگی لولەداری دەستەی پارێزگاری میوانەکە کرد.
 ھەرچەندە وەڵامەکەی "مەسعود بارزانی" بەناوی بارەگا و وتەبێژەوە بوو بەڵام ھیچ گومانی تێدانیە جگە لەخودی "بارزانی" ھیچ کەس لەناو پارتی و خانەوادەی بارزانیدا، ناتوانێ بەو زمانە و بەو دەستەواژە توندانە وەڵامی "باخچەلی" بداتەوە! ھەر خۆیشی پێشتر، بەو ھەڵچون شێوازە توندە لەنوسین، لێدوان و رونکردنەوە، ناسراوە. ئەوەش زانراوە کەلاپەڕەکەی دایە دەست دەستەودایەرەکەی ئیتر کەسێک بۆی نیە فاریزە و خاڵێکی لێبگۆڕێت و وەک خۆی بڵاو دەکرێتەوە. 
 ساڵانی پێشوو، جارێک بۆ راستکردنەوەی زمانەوانی و ناحاڵیبونی مەسەلەیەک لای بەرپرسی کەناڵێکی راگەیاندنی پارتی رەخنەم لەپەیام و رونکردنەوەیەک گرت و پێم وت :
 ناکرێت بەو زمانە و ئەو ھەموو ھەڵە و پەڵەیەوە بەناوی نوسینگەی سەرۆکایەتی ھەرێمەوە رونکردنەوە بنوسرێت و بڵاو بکرێتەوە ! لەوەڵامدا وتی :
 - بەخودێ منیش دەزانم بەڵام سەرۆک خۆی نوسیویەتی و رێنماییەکان بۆ ئێمەیش وایە کەھیچ کەس ناتوانێ دەستکاری یەک وشەی نوسینەکانی سەرۆک بکات. 
  ئێستا، کێشەکەمان ئەوەنیە "مەسعود بارزانی" توڕەیە یان راوێژکار و ھەڵەچنی بۆ نوسینەکانی نیە. 
 قەیرانێکی جدی دروستکراوە! کاریگەری لەسەر پرۆسەی ئاشتی دەبێت. چرای ئەو ئومێدەی کوردەکان بەدیداری (بارزانی و ئاپۆ) ھەیانبوو، کوژایەوە، کای کۆنە قینێک لای تورکەکان ئاگری گرتوە، تەنیا بەپۆزشێکی "بارزانی" دائەمرکێتەوە. 
 ئەویش ھەرگیز ناینوسێت و نایڵێت ..!

وتاری زیاتر

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×