"لوتکەی ناپاکی"

عەبدولرەزاق شەریف
  2023-06-27   

مانگی پێشوو، سەرۆکی حکومەتی هەرێم و جێگرەکەی لەگەرمەی گفتوگۆی رێکەوتن و کاری پێکەوەییدا بون پارتی تاکلایەنە کۆمسیۆنی هەڵبژاردنەکانی هەرێمی درێژکردەوە و یەکێتیەکانی توشی شوک کرد !

ئەمڕۆش پارتی و یەکێتی لەگەرمەی کۆبونەوە و گفتوگۆی یەکریزیدا بون، پارتی تاکلایەنە پەرلەمانی کوردستانی هەڵوەشاندەوە و یەکێتیەکانی توشی شۆک کردەوە !

هەردوو کۆبونەوەکە دوای دابڕان و زویر بون و تەخوینی یەکتری دەستیپێکرد و هەردوو کۆبونەوەکەش بەلێدانی (دوا مست)، ئەوەی لەئەدەبیاتی گفتوگۆ و دانوسانی سیاسیدا پێی دەڵێن دواتیری کەوان کۆتاییان هات .

پانزەی ئۆکتۆبەری دوای ریفراندۆم پارتی و یەکێتی لەهاوینە هەواری دوکان پێکەوە لەکۆبونەوەدا بوون و پێکیشەوە بەیاننامەیەکی هاوبەشی پێنج خاڵیان راگەیاند .

ئەوجارەیان ماڵی مامجەلال بەرێکەوتنێکی ژێربەژێر مستێکیان لەپارتی سرەواند . لەوکاتەیا پەیوەندیم بەدۆستێکی دێرینی خۆمەوە لەنوسینگەی نوری مالکی کرد چونکە پێشتر زانیاری نێوەندگیری مالکی بۆ رێکەوتن لەگەڵ ماڵی مامجەلال بڵاوکرابۆوە .

- ئەو رێکەوتنەی یەکێتی چۆنە ؟

+ یەکێتی هەنگاوێ هاتە پێشەوە بەدوایدا پارتی بەسەد هەنگاو پێشیان کەوت !

لای هاوڕێکانم ئەوسا و ئێستاش و لەنوسینەکانیشما باسی ئەم کێبڕکێیەی پارتی و یەکێتیم بۆ تەسلیمبون کردوە .

دیارە کێبڕکێ و مونافەسە بۆ خوڵامبون و نۆکەریکردن و تەنانەت بەجاشبونی بێگانە و حکومداریەکانی ناوچەکە لەلایەن دەسەڵاتی هۆز و بنەماڵە حوکمدارەکانی کوردەوە، لەمێژودا دیاردەیەکی کۆنە، شەڕی براکان و ئامۆزاکانیش لەناوخۆ و دەرەوەی ئیماراتەکان و هانا بردن بۆ دوژمنەکانیش، هەر میراتێکی کۆنی کوردەواریە بەڵام ئەمجارەیان لەسەر هەڵوەشاندنەوەی ئەو پەرلەمانە تاقانەیەی مێژوی کورد، کە ئەمانەی ئێستا ئەندازیار و سەبەبکاری وێرانکردنی بون و سیودوو ساڵە و لەزۆر وێستگەی ژیانیدا ( وەستاوە، داخراوە، چۆتە مەیدانی حەیوانان، دەبابەی بەعسی بۆ هاتوە، دواکەوتوە و سەرۆکی دەرکراوە ) بەڵام بەرگەی هەموو ئەو پیلانانەی گرت و بەپێوە مابۆوە ! پێمان وابو وێڕای جینایەت وخیانەت، بناغەکەی ئێسکوپروسکی گۆڕەبەکۆمەڵەکانمانە و هەر دەمێنێ !

ئەمجارەیان خۆیان نا ! ئێمەیان توشی شۆک کرد، گوێرادێڕن بۆ " سەبەبکاران و هەرزەکانی وەکیلی شاری خامۆشان "

پ د ک : پەرلەمانی هەرێمی کوردستانمان هەڵوەشاندەوە .

ی ن ک : ئێمە پێشتر و بەئیمزای سەرۆکی پەرلەمان لەرۆژی کۆتایی مانگی رابردوو هەڵمانوەشاندەوە .

ب گ : دەبوایە هەرسێکمان پێکەوە هەڵمانبوەشاندایەتەوە .

هەڵوێستێکە، هەتا کوردێک مابێت ئەبێت وەک لوتکەی بەدرەوشتی وناپاکی نوێنەرایەتی گەل، لەمێژودا تۆماری بکات !

وتاری زیاتر

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×