لە"ماوەت" ترشی ڕنیبوو؟

عەبدولرەزاق شەریف
  2022-11-20   

تراژیدیا، هەمیشە بەکۆمیدیا بارگاویە! شاری سلێمانی‌و خەڵکەکەی لەگەڵ ئەو چەمکی پێکەنین‌و گریانە ئاوێتەبون! نوکتەو قسەی خۆشی تازێ‌و مزگەوت دەماودەم لەناو کۆڕو مەجلیسا باسدەکرێن، زۆرن ئەو ڕوداوە کۆمیدی‌و قسە تەنزانەی لەگەڵ مێژوی کارەساتەکاندا، تەدوینکراون، دوا کارەساتیش بەدەر نەبوو لەم گاڵتەجاڕیە کە پێویستە لەگەڵ مەراقەکەدا، لەگەڵ خەم‌و ڕەشپۆشی سلێمانی‌و هەموو کوردستانا بنوسرێتەوە.

- پێشکەشکاری بەرنامەیەکی تەلەفزیۆنی بەدڵێکی غەمگینەوە بەشۆفێری شۆفڵەکە دەڵێت:
- ئەو مناڵانەی بەمردویی دەرتانهێنان پێشئەوەی غازەکە بتەقێتەوە خەریکی چی بون؟ 
+ خۆ من لەگەڵیانا نەبوم!
ئەم وەڵامە پرسیارێکی کۆنی پەیامنێرێکی تەلەفزیۆنەکەی بیرهێنامەوە کە تایبەت بەتراژیدیای ئەنفال ژنە گەرمیانیەکی ئەدوان‌و لێی پرسی:
- کە جاشەکان هاتنەسەر گوندەکەتان چیان دزی لەمەڕوماڵات؟
+ ئەی خۆو لەیلیان نەویی!
تومەز پەیامنێرەکە کۆنە جاش بوو، پیرەژن ناسیبویەوە‌و بەو شێوەیە وەڵامیدایەوە، ئینجا چونکە کارمەندانی بەرنامەکە لەفۆنەتیکی گەرمیانی شارەزانەبون، وەک خۆی‌و بەبێ مۆنتاج پەخش‌و بڵاوکرایەوە.
مەسرور بارزانی بەمەبەستی سەرەخۆشی‌و هاوخەمی دەربڕین تەلەفۆن بۆ خاوەن تازێی ئەوکارەساتە گەورەیە دەکات‌و دەڵێت:
- بەڵێ! بەڵێ 
+ ئێمە فەرعێکین لەفەرعەکانی (خەریکە ئەڵێت عەقاری)، بنەماڵەی بارزانی! 
خاوەن تازێ دەبێتە مەسرورو خاوەن پەیامی پرسەکە ئەبێت بەشێخی سیرێ.
نێچیرڤان بارزانی وەک خەڵکی سلێمانی پەیام دەنێرێ‌و بەبیستوچوار سەیارەی درع‌و فەوجێکی حیمایەی تایبەتەوە خۆی دەکات بەشاردا، کەچی وەهاب هەڵەبجەیی بەیاننامە دەردەکات‌و دەڵێت:
-  لەئاسمان‌و زەمینەوە گیانی سەرۆکی هەرێمم لەشاری سلێمانی پاراست!! 
خواهەڵناگرێ لەپەیوەندیەکی تەلەفۆنیدا، سەرۆکی دژە تیرۆر وتبوی:
- بەڵکو بەهۆی ئەو بەیاننامەیەوە فەرمانی گرتنەکەم هەڵبوەشێتەوە!
بافڵ تاڵەبانی، چونکە هەموو خەیاڵ‌و خەوی لای پارەیە لەیەکەم کاردانەوەی کارەساتەکەدا وتی:
- خانوە ڕماوەکە بەجوانترین شێوە بۆ مردوەکان دروستدەکەمەوە، ژماردنی پارەی ئۆتۆمبێل‌و پەنجەرە شکاوەکانیش لەسەرخۆم!
ئنجا ئەمەش نوکتەیەکی کارەساتێکی کۆنی وەبیرهێنامەوە ...
ساڵی 2007 جێگری سەرۆکی حکومەتی هەرێم یەکێتی بوو، کارەساتێک ڕوی لەخانەقی کردبوو، ڕۆژنامەی کوردستانی نوێ بەمانشێتێکی گەورە نوسیبوی:
(عومەر فەتاح یەک ملیۆن دۆلاری بەخانەقین بەخشی)
عومەری سەید عەلی ئەو ڕۆژە لەکۆبونەوەی مەکتەبی سیاسیدا، داوایکرد ڕۆژنامەکە بخەمە سەرمێزی کۆبونەوەکەو بەردەستی خۆی، من بێ تێگەیشتن لەمەبەستی‌و لەسەرەتای کۆبونەوەکە بۆم دانا، ڕوو لەئازاد جوندیانی (بەرپرسی ڕاگەیاندن) وتی: 
- کاکە ئەم مانشێتە چییە؟ تۆ نوسیوتە؟ ڕاگەیاندن وایە؟
+ بەڵێ کاک سەید عومەر وایە، بەڕێز کاک عومەر فەتاح ئەوە خۆی لێرەیە یەک ملیۆن دۆلاری بەخانەقین بەخشیوە.
- کاک عومەر فەتاح ملیۆنێ دۆلاری لەکوێ بوو؟ لەماوەت ترشی ڕنیبوو .! 
دواجار ئەم قسەیەی سەید عومەر بوو بەئیدیۆم هەرکەس پیاوەتی بەپارەی حیزب‌و حکومەتەوە بکردایە ئەمانوت (بۆ لەماوەت ترشی ڕنیبوو). 
هەڤاڵ ئەبوبەکر لەسەرەتای کارەساتەکەوە (هەڤاڵ تازێی هەیەو ئەمڕۆ باوکی مردوە، با نوکتەکانی هەڵگرین بۆ خەڵکی تر بیگێڕنەوە) جارێ سەرەخۆشی لێدەکەم.

وتاری زیاتر

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×