سوپای ئیسرائیل رایگەیاند، لە 24 کاتژمێری رابردوودا هێرشی زەمینییان بۆ سەر چەند شوێنێکی غەززە ئەنجامداوە و رووبەڕووی باڵی سەربازی حەماس بوونەتەوە.
ئافیخای ئادرعی، وتەبێژی سوپای ئیسرائیل ئاماژەی بەوەکرد:" لە کاتی هێرشی زەمینی بۆ سەر کەرتی غەززە، لەلایەن چەکدارانی کەتیبەکانی قەسام، باڵی سەربازی حەماسەوە هێرشی مووشەکیان کراوەتەسەر ".
ئەوەشی خستەڕوو:" هێرشەکەی سوپای ئیسرائیل لەپێناو کۆکردنەوەی زانیاری لەبارەی شوێنی بارمتەکانی ئیسرائیلەوە بووە، کە لەلایەن چەکدارانی سەر بە بزووتنەوە حەماسەوە رفێنراون ".