ماوەیەكە نرخی نەوت روی لە بەرزبونەوە كردوەو لە ئێستاشدا نرخی بەرمیلێک نەوتی خاوی برێنت لەسەرو 84 دۆلارەوە مامەڵەی پێوەدەكرێت.
ئاوێنە: بەپێی داتاكانی بازاڕەكانی نەوتی جیهان، لە ئێستادا یەك بەرمیل نەوتی خاوی برێنت بە 84 دۆلار و 31 سەنت مامەڵەی پێوەدەكرێت.
هەروها یەك بەرمیل نەوتی تەكساس بە 80 دۆلارو 15 سەنت مامەڵەی پێوەدەكرێت.
هۆكارەكانی بەرزبونەوەی نرخی نەوت لەماوەی رابردودا دەگەڕێنەوە بۆ؛ كەمكردنەوەی بەرهەمی نەوت لەلایەن وڵاتانی بەرهەمهێنەر لە رێكخراوی ئۆپیك پڵەس، گەشەی ئابوریی ئەمریكا لە چارەكی دوەمی ئەمساڵدا، هیوای پشتیوانی حكومەتی چین لە سیاسەتی ئابوری وڵاتەكەی.