ئەمڕۆ چوارشەممە، بەهای یەك بەرمیل نەوتی خاوی برێنت گەیشتە سەرو 80 دۆلارو ئەوەش بۆ یەكەمجارە لەدوای مانگی ئایاری ئەمساڵەوە نرخی نەوت دەگاتە ئاستە.
ئاوێنە: بەپێی داتاكانی بازاڕەكانی نەوتی جیهان، ئێوارەی ئەمڕۆ چوارشەممە، نرخی یەك بەرمیل نەوتی برێنت بۆ سەرو 80 دۆلار بەرزبۆتەوەو لە ئێستادا یەك بەرمیل نەوتی برێنت بە 80 دۆلارو 30 سەنت مامەڵەی پێوەدەكرێت.
هەرچی نرخی بەرمیلی نەوتی تەكساسە بۆ 75 دۆلارو 95 سەنت بەرزبۆتەوە.
بەپێی میدیا جیهانییەكان هۆكاری بەرزبونەوەی نرخی نەوت لەدوای ئەوە دێت كە داتاكانی هەڵاوسان لە ئەمریكا هیوای ئەوەیان هێناوەتە ئارا كە بانكی ناوەندیی ئەو وڵاتە، نرخی سو بەڕێژەیەكی كەمتر بەرزبكاتەوە.