هونەرمەند نەجمەدین غوڵامی گۆرانی بۆ كۆڵبەران دەڵێت، بەرێوەبەری رۆشنبیری سلێمانیش، بابەكر درەیی پشتیوانی لەبەرهەمەكەی هونەرمەند دەكات.
ئاوێنە: راگەیاندنی بەرێوەبەرایەتی رۆشنبیری سلێمانی بڵاویكردوەتەوە كەوا هونەرمەند نەجمەدین غوڵامی سەردانی بەرێوەبەرایەتیەكەی كردوە‌و ئاشكرایكردوە كە بەرهەمێكی ئامادەكردوە بۆ كۆڵبەرانی رۆژهەڵاتی كوردستان.
بەرهەمەكە لەلایەن هونەرمەند نەجمەدین غوڵامیەوە هۆنراوە‌و ئاوازی بۆ دانراوە‌و چاوەروانیش دەكرێت لەئایندەیەكی نزیكدا بیكاتە كلیپ.