سهعد مهعن، سهرۆكی شانهی راگهیاندنی ئهمنیی عێراق رایدهگهیهنێت، هێزهكانی كهتیبهكانی حزبوڵا، قۆناغ به قۆناغ له جورف نهسر دهكشێنهوه. دهشڵێت، پڕۆسهی جێگۆڕكێی هێزه ئهمنییهكان له جورف سهخر بێ كێشه بهڕێوهچوه.
ئاوێنه: سهعد مهعن، سهرۆكی شانهی راگهیاندنی ئهمنیی عێراق، ئهمڕۆ ههینی، له كۆنگرهیهكی رۆژنامهوانیدا باسی له پڕۆسهی چونه ناوهوهی هێزه ئهمنییه هاوبهشهكانی عێراق بۆ نێو جورف نهسر كرد.
ئهو وتی، بارهگای كۆنترۆڵكردن كرایهوهو له سهعات 6ی بهیانی ئهمڕۆوه دهستبهكار بو هەروەها لیوای 38ی سوپای عێراق و لیوای 17ی سوپای فیدراڵی و لیواکانی 72 و 79ی حەشدی شەعبی و فەوجی ئامادە و فەوجێکی پۆلیسی وزە دەستبەکار بون.
وتیشی، پۆلیسی وزه دهستیكرد به وهرگرتنی پێگهكانی بۆ پاراستنی بۆرییهكانی گواستنهوهی نهوت.
ئاماژهی بهوهشدا، سبهی رێگهی فازڵییه بۆ كهربهلا دهكرێتهوه.
سەعد مەعن، لەبارەى کشانەوەى کەتیبەکانى حیزبوڵا لە جورف سهخر وتى: "کشانەوەکە قۆناغ به قۆناغ دەبێت، ئەمڕۆ بینیتان یەکێک لە فەوجەکانی لیوای 45 دەستی کردوە بە کشانەوە و پۆلیسی فیدراڵی چونە جێیان، وادەیەکى دیاریکراو هەیە و پرۆسەی دوبارە دابەشکردنەوە و جێگیركردنی هێزهكان دەبێت، ئەمڕۆ لیوای 45 لە یەکێک لە فەوجەکانییەوە دەستیپێکردوە و سبەی بەردەوام دەبێت.
کەتیبەکانى حیزبوڵڵا، سێ لیواى (45 و 46 و 47)ی هەیە کە زۆربەیان لە جورف سهخر لە بابل و قەزاى قائیم لە ئەنبار جێگیر کراون.