هێزه‌ ئه‌منییه‌كانی عێراق باره‌گای كۆنترۆڵیان كرده‌وه‌و ده‌ست به‌ بڵاوبونه‌وه‌ له‌ ناوچه‌ی جورف سه‌خر ده‌كه‌ن
  2026-11-20     

هێزه‌ ئه‌منییه‌كانی عێراق، ئه‌مڕۆ هه‌ینی باره‌گای كۆنترۆڵیان له‌ جورف سه‌خر كرده‌وه‌و ده‌ستیان به‌ بڵاوبونه‌وه‌ له‌ ناوچه‌كه‌ كرد.

ئاوێنه‌: فەریق سەعد مەعن، سەرۆکی شانەی ڕاگەیاندنی ئەمنیی عێراق، له‌ كۆنگره‌یه‌كی رۆژنامه‌وانیدا کردنەوەی بارەگای کۆنترۆڵکردنی لە ناوچەی جورف نەسر لە باکووری پارێزگای بابل ڕاگەیاند، هاوکات ئاماژەی بەوەش دا کە دانیشتووانی جورف نەسر بەم نزیکانە دەگەڕێنەوە سەر زێد و ناوچەکانی نیشتەجێبوونی خۆیان.

مەعن ڕایگەیاند: باره‌گای کۆنترۆڵکردن لە جورف ئەلنەسر کراوەتەوە و لەژێر فەرماندەیی پۆلیسی فیدراڵیدا دەبێت.، ئاماژەی بەوەش کرد: "لە ئەمڕۆوە پرۆسەی بڵاوبوونەوەی هێزەکان و ڕێکخستنی ئەرکەکان لە چوارچێوەی وەرگرتنی بەرپرسیارێتی لە ناوچەکەدا دەست پێ دەکات."

ئەوەشی خستەڕو کە "ڕێگای سەرەکیی نێوان ناوچەی فازڵییە بەرەو پارێزگای کەربەلای پیرۆز، لە کاتژمێر شەشی بەیانیی سبەینێوە دەکرێتەوە."

جەختیشی کردەوە "دانیشتووانی جورف نەسر بەم نزیکانە دەگەڕێنەوە سەر زێدو ناوچەکانی نیشتەجێبوونی خۆیان."

یاسر عیساوی، جێگری سەرۆکی ئەرکانی حەشدی شەعبی، ئەمڕۆ هەینی جەختی کردەوە کە سەرجەم هێز و لیواکانی حەشدی شەعبی پابەندی فەرمانەکانی فەرماندەی گشتیی هێزە چەکدارەکانن و دەستیان بە ئەرکەکانیان کردووە بۆ دووبارە بڵاوبوونەوە لە ناوچەی جورف ئەلنەسر لە باکووری بابل.

عیساوی لە کۆنگرەیەکی ڕۆژنامەوانیدا  ڕایگەیاند: «هەماهەنگییەکی زۆر لە نێوان سەرجەم هێزەکاندا هەیە لە جورف ئەلنەسر»، ئاماژەی بەوەش کرد: «هێز و لیواکانی حەشدی شەعبی پابەندی فەرمانەکانی فەرماندەی گشتیی هێزە چەکدارەکانن و دەستیان بە ئەرکەکانیان کردووە لە دووبارە بڵاوبوونەوە لە ناوچەی جورف ئەلنەسر».

هه‌روه‌ها له‌ كۆنگره‌كه‌دا فەرماندەی پۆلیسی وزە رایگه‌یاند، پاراستنی بۆرییە نەوتییەکان لە سەرتاسەری عێراق و دابینکردنی ئاسایش بۆ 100 کیلۆمەتر لەو بۆرییانە لە جورف ئەلنەسر.

وه‌زاره‌تی به‌رگریی عێراقيش له‌ راگه‌یه‌ندراوێكدا وتی: «یارەڵڵا بە یاوەریی شاندێکی باڵای سەربازی گەیشتە قەزای نەسر، بە مەبەستی سەرپەرشتیکردنی ڕێکارەکانی دووبارە دابەشکردنەوە و بڵاوەپێکردنی هێزە سەربازییەکان و گۆڕینی ئەو یەکانەی کە کەرتەکەیان لەژێر دەستدایە و بەرپرسن لە ئاسایش و پاراستنی قەزاکە».

ئاماژەی بەوەش کردووە کە «سەردانەکە هەروەها بە ئامانجی ئاگاداربوونە لە پێداویستییەکانی قۆناغی داهاتوو و ئاستی ئامادەباشیی ئەمنی لە چوارچێوەی کەرتی بەرپرسیارێتیدا».

زۆرترین بینراو
یه‌كه‌م چاوپێكه‌وتنی لاهور شێخ جه‌نگی له‌ زیندانه‌وه‌
دوای ٣٥ ساڵ لە مانەوەیان لە تونس؛ عێراق دوو فڕۆکەی مێژوویی جۆری "بۆینگ ٧٤٧" دەفرۆشێت
هاوپه‌یمانی نیشتمانی: هێزێکی ئەمنی هەڵیانکوتاوەتە سەر بارەگای سەرەکیی حزبمان لە هەولێر
تره‌مپ: له‌ په‌یوه‌ست به‌ ئێرانه‌وه‌ تا دوای سه‌ری ساڵی نوێ چاوه‌ڕێ ده‌كه‌ین
له‌سه‌ر دۆسیه‌ی قاچاخچێتی له‌ جورف سه‌خر، به‌ڕێوه‌به‌ری گشتیی كۆمپانیای هێڵی بۆرییه‌‌ نه‌وتییه‌كان ده‌ستگیركرا
پاش هەنگاوەکەی جورف سەخر و پەیامەکەی عەلی زەیدی؛ فەرماندەی زێرەڤانی: هێزەکانمان لە ئامادەباشیی تەواودان بۆ پاراستنی هەرێم
ڕەشنوسی بودجەی 2027ی عێراق تەواوکرا؛ داهاتی نانەوتی دەگاتە 19٪ و دۆسیەی نەوتی هەرێم وەک بەربەستی سەرەکی دەمێنێتەوە
جرف الصخر لەسەر لێواری تەقینەوە؛ ئەمریکا بە تەلەفۆن و ئێران لە مەیداندا
یەرەکە: کۆماری ئیسلامیی ئێران بە درۆن و تۆپخانە سنووری سەردەشتی بۆردوومان کرد و هیچ زیانێک بەر هێزەکانمان نەکەوتووە
ترەمپ بە ئامادەبوونی پووتین و شی جینپینگ: ڕێگە نادەین ئێران ببێتە خاوەنی چەکی ئەتۆمی
© 2026 Awene Online, Inc. All Rights Reserved.
×