سیناتۆری دیموکراتەکان، کۆری بوکەر بۆ ماوەی ٢٥ کاتژمێر بەبێ پچڕان لەکۆنگرێس قسەی کردو ڕەخنەی لەسیاسەتەکانی دۆناڵد ترەمپ گرت، بەمەش ژمارەیەکی پێوانەیی نوێی لەم بارەیەوە تۆمار کردو بووە درێژترین وتاردان لەئەنجومەنی پیران.
ئاوێنە: ئەم سیناتۆرە ئەمریکییە بۆ ماوەی ٢٥ کاتژمێرو چوار خولەک، لە کاتژمێر ٧:٠٠ی ئێوارەی ڕۆژی دووشەممە ٣١ی ئازار تا کاتژمێر ٨:٠٤ی شەوی سێشەممە ١ی نیسان، بەبێ پشوودان و چوونە تەوالێت قسەی کردووە.
بەم هەنگاوە ژمارەی پێوانەیی پێشووی شکاند کە نزیکەی ٦٨ ساڵ لەمەوبەر تۆمارکرابوو، لەساڵی ١٩٥٧ لەلایەن سیناتۆر سترۆم تۆرمۆندەوە، کە بۆ ماوەی ٢٤ کاتژمێرو ١٨ی بەردەوام قسەی کرد.
وتارەکەی بوکەر بووە ترێندی سۆشیال میدیاو نووسینگەکەی ئاماژەی بەوەشکردووە، وتارەکە 350 ملیۆن لایکی هەبووە،
بۆ ئەم جۆرە وتارانە، پێویستە سیناتۆرەکان بەبێ پچڕان لە پشت پۆدیۆمی کۆنگرێسەوە بمێننەوە، تەنانەت بەبێ ئەوەی بچنە تەوالێت یان پشوویەک وەربگرن.
بوکەر بە ڕۆژنامەنووسانی ڕاگەیاند، لە ڕۆژی هەینیەوە خواردنی نەخواردووە و لە ڕۆژی یەکشەممەوە ئاوی نەخواردووەتەوە. ئاماژەی بەوەشکردووە، گەورەترین شت کە لە کاتی قسەکردنەکەدا کێشەی لەگەڵدا هەبووە، گرژبوونی ماسولکەکانی بەشە جیاوازەکانی جەستەی بووە.
جەختی لەوەش کردەوە کە ئامانجی لەم وتارە ئیلهامبەخشین بووە بەدیموکراتەکان بۆ ئەوەی هەنگاوی زیاتر بگرنەبەرو ڕووبەڕووی دۆخی ئێستای ئەمریکا لەسەردەمی سەرۆک ترامپدا ببنەوە.
بوکەر وتی بیرۆکەی ئەو وتارە درێژە دوای گوێگرتن لەدەنگدەرانی توڕە بووە کە داوا لەدیموکراتەکان دەکەن کاری زیاتر بکەن بۆ ڕووبەڕووبوونەوەی سەرۆک دۆناڵد ترەمپ و کارنامەکەی.