سەرۆکی لیژنەی مۆلیدە ئەهلییەکانی هەولێر ڕایگەیاند، بۆ مانگی ئازار نرخی ئەمپێری مۆلیدە ئەهلییەکان لە نێوان سێ بۆ چوار هەزار و 500 دینار دەبێت.

ئاوێنە: خۆران خۆرانی، سەرۆکی ئەنجوومەنی مۆلیدە ئەهلیەکانی سنووری پارێزگای هەولێر لە ڕاگەیەندراوێکدا ڕایگەیاند: ئەمرۆ نرخی موەلیدە ئەهلیەکان ناو شاری هەولێر دیاریکرا و رۆژی یەکشەمە نرخی مۆلیدەکانی دەرەوەی شار دیاریدەکرێت.

باسی لەوەشکردووە: بۆ مانگی 3ی 2025، تێکرای کارکردنی کاتژمێری مۆلیدەکان رۆژانە (7،2) کاتژمێر بووە و ماوەی کارکردنی مۆلیدەکان 30 رۆژە و لیژنەی تایبەت بە هێنانی گازوایل بۆ یەک لیتر گازوایل بڕی 560 دیناری هێناوە لە بۆرسەی فرۆشتنی گازوایل.

دەشڵێت: لەبەر بەرژەوەندی گشتی و هاووڵاتیانی خۆشەویست ئەنجومەنی باڵای مۆلیدە ئەهلیەکان بری 530 دینارمان ئەژمار کرد واتا بۆ یەک کاتژمێر کارکردنی مۆلیدە ئەهلیەکان (43،5) دینار دەرچووە لە داتایی ليژنەی مۆلیدەکان تایبەت بە دیاری کردنی نرخی موەلیدە ئەهلیەکان.

ئەوەشی وتووە: نرخی موەلیدەکانی ناو شاری هەولێر و بازار بەم شێوەی خوارەوە بوو، ناوشاری هەولێر نرخی یەک ئەمپێر لە نێوان سێ هەزار تا 12 هەزار و 500 دینار نرخی یەک کاتژمێری کارکردنی موەلیدە (43،5 + 47) دینارە.

ناوبازاری شاری هەولێر نرخی یەک ئەمپێر لە نێوان سێ هەزار تا چوار هەزار و 500 دینارە، هەروەک نرخی یەک کاتژمێر کارکردنی مۆلیدە 47 دینارە.