بزوتنەوەی گۆڕان-گردی زەرگەتە: شەممەی داهاتو كۆنفرانسی نیشتمانی دەبەستین
  2025-04-03       223       

بزوتنەوەی گۆڕان-گردی زەرگەتە رایدەگەیەنێت، پاڵپشت بە بڕیارەكانی كۆمسیۆنی باڵای سەربەخۆی هەڵبژاردنەكان، رۆژی شەممە 5ی نیسانی 2025، سێیەمین كۆنفرانسی بزوتنەوەكە لە گردی زەرگەتە دەبەستن.

ئاوێنە: دەستەی گشتی بزوتنەوەی گۆڕان، ئەمڕۆ پێنجشەممە، لە كۆنگرەیەكی رۆژنامەوانیدا وتی، سەرجەم ئامادەكارییە پێویستەكانمان لەهەمو رویەكی كارگێڕی و لۆجیستی و یاسایی تەواوكردون بۆ بەستنی سێیەمین كۆنفرانسی نیشتمانیی بزوتنەوەی گۆڕان، ئەوەش پاڵپشت بە بڕیارەكانی ئەنجومەنی كۆمیسیارانی كۆمسیۆنی هەڵبژاردنەكان تایبەت بەم بابەتە.

هێمای بۆ ئەوەش كرد، پاڵپشت بە نوسراوێكی فەرمانگەی پارت و رێكخراوەكانی كۆمسیۆن، سەعات 10ی سەرلەبەیانی رۆژی شەممە 5ی نیسانی 2025، سێیەمین كۆنفرانسی نیشتمانی بزوتنەوەكە لە هۆڵی كۆنفرانسەكان لە مەكۆی سەرەكی بزوتنەوەی گۆڕان لە گردی زەرگەتەی سلێمانی بەڕێوەدەچێت.

زۆرترین بینراو
© 2025 Awene Online, Inc. All Rights Reserved.
×