پێگەی "پۆلیتیکۆ" لەزاری چەند سەرچاوەیەكی ئاگادارەوە بڵاویكردۆتەوە، دۆناڵد ترەمپ، سەرۆکی ئەمریکا، بازنەی نزیكی کابینەکەی ئاگادار کردوەتەوە، ئیلۆن مەسک دەستبەرداری رۆڵی دەبێت لە حکومەت و دەگەڕێتەوە بۆ پیشەكەی خۆی.
ئاوێنە: پۆلیتیکۆ، لە زاری سەرچاوە ئاگادارەکانەوە رایگەیاندوە، ترەمپ لە مەسک و بەڕێوەبردنی وەزارەتی لێهاتویی حکومەتەکەی رازییە، بەڵام لە چەند رۆژی رابردودا بڕیاریان داوە، كە کاتی ئەوە هاتوە مەسک بگەڕێتەوە بۆ بەڕێوەبردنی کارەکانی، لە هەمان کاتدا رۆڵی پاڵپشتی دەگێڕێت.
ئەوەش خراوەتەڕو، کشانەوەی چاوەڕانكراوی میسک لە کاتێکدایە، بێزاری لەناو ئیدارەی ترەمپ و هاوپەیمانە بیانییەکانی لە هەڵكشاندایە، بەهۆی هەڵسوکەوتە پێشبینینەکراوەکانی، کە زۆرێکیان وەک بارگرانی سیاسی تەماشای دەکەن.