سەرۆكایەتی هەرێمی كوردستان رایگەیاند، بەتوندی سەركۆنەی ئەو هێرشە تاوانكارییە دەكەن كە تێیدا لە دهۆك كۆمەڵێك لە جەژنگێڕانی ئەكیتۆ لە هاوڵاتیانی مەسیحی كرانە ئامانج و دو كەس برینداربون.
ئاوێنە: سەرۆكایەتی هەرێمی كوردستان، ئێوارەی ئەمڕۆ چوارشەممە، لە راگەیەندراوێكدا وتی، له نزيكه‌وه له‌گه‌ڵ ده‌زگا په‌يوه‌نديداره‌كانى هه‌رێمى كوردستان به‌دواداچون بۆ ئه‌و هێرشه تاوانكارييه ده‌كەن كه دوێنێ له ڕوداوێكى نامۆدا له دهۆك، كۆمه‌ڵێك له جه‌ژنگێڕانى ئه‌كيتۆ له هاوڵاتييانى مه‌سيحيمان تيايدا به ئامانج گيران و بوه هۆى برينداربونى دو كه‌س.
ئەوەشی خستۆتەڕو، له كاتێكدا به توندى ئه‌و تاوانه سه‌ركۆنه ده‌كه‌ين، هه‌مو كوردستانييان دڵنيا ده‌كه‌ينه‌وه كه هه‌رێمى كوردستان وه‌ك هه‌ميشه به نیشتمانی پێكه‌وه‌ژيان و ئارامى و سه‌قامگيرى بۆ هه‌مو پێكهاته‌كانى ده‌مێنێته‌وه و به‌هیچ شێوه‌يه‌ك ڕێگه به تێكدانى كولتورى پێكه‌وه‌ژيان و يه‌كترقبوڵكردن و لێبورده‌يى نادرێت، تاوانكاريش به سزاى ياساييى خۆى ده‌گات.