ئەمشەو چوارشەممە، فڕۆكە جەنگییەكانی ئیسرائیل چەند ناوچەیەكیان لە دیمەشقی پایتەخت و پارێزگامانی حەما و حمس بۆردومان كرد.
ئاوێنە: بەپێی میدیای رەسمی سوریا، ئەمشەو فڕۆكە جەنگییەكانی فڕۆكەخانەی تی4ی سەربازی لە دەوروبەری حمس و فڕۆكەخانەی سەربازیی حەما-یان بۆردومان كردوەو دەنگی تەقینەوەی بەهێز هاتوە.
ئاماژە بەوەشدراوە كە یەكێك لە بۆردومانەكان بۆ سەر بینای لێكۆڵینەوە زانستییەكان بوە لە ناوچەی بەرزە لە باكوری دیمەشقی پایتەخت كە دامەزراوەیە پێشتریش چەند جارێك لەلایەن ئیسرائیلەوە بۆردومان كراوە.
هەر بەپێی میدیاكانی سوریا، لەمیانی بۆردومانەكانی ئەمشەودا، بینای لێكۆڵینەوە زانستییەكان لە پارێزگای حەماش كراوەتە ئامانج.