فالیح فەیاز، سەرۆكی دەستەی حەشدی شەعبی رایگەیاند، هەندێك دەیانەوێت دڵەڕاوكێ لەدژی حەشدی شەعبی بڵاوبكەنەوە بەڵام حەشدی شەعبی گەلی عێراق بێ ئومێد ناكات لە وەستانەوە دژ بە هەر پیلانێك.
ئاوێنە: بەپێی میدیای رەسمی عێراق، ئەو قسانەی فالیح فەیاز، ئەمڕۆ هەینی، لەمیانی بەشداریكردنی لە رێوڕەسمی كۆنگرەیەكی حەشدی شەعبیدا هاتون.
فالیح فەیاز وتویەتی، هەندێك هەوڵ دەدەن دڵەڕاوكێ لەدژی حەشدی شەعبی بڵاوبكەنەوە و پەرە بە كولتوری شكان و شكست بدەن.
جەختیشی كردۆتەوە كە حەشدی شەعبی گەلی عێراق بێ ئومێد ناكات لە وەستانەوە دژ بە هەر پلانێك.