بە مەبەستی ئەنجامدانی دیداری دوەم لەگەڵ عەبدوڵا ئۆجەلان، وەفدی ئیمرالی دەم پارتی داواکارییان پێشکەشی وەزارەتی دادی تورکیا کرد.
ئاوێنە: بەگوێرەی میدیاكانی باكوری كوردستان، هێشتا ناوی ئەو کەسانە نازانرێت کە بۆ جاری دوەم سەردانی ئیمرالی دەکەن بۆ دیدار لەگەڵ ئۆجەلان.
وەفدی دەمپارتی لە 28ـی کانونی یەكەمی 2024، كە پێكهاتبون لە پەروین بوڵدان و سری سورەیا ئۆندەر، سەردانی ئۆجەلانیان كرد لە ئیمرالی، دوای دیدارەکە و لەسەر داوای ئۆجەلان، وەفدەكە لەگەڵ ئەحمەد تورک، هاوسەرۆکی شارەوانی گەورەی مێردین، کە قەیوم لە جێگەی دانراوە، لەگەڵ سەرۆكی پەرلەمانی توركیاو پارتە سیاسییەکان و سیاسەتمەدارە زیندانییەکان كۆبونەوەی جیاجیان ئەنجامدا.
رۆژی 17ی ئەم مانگە وەفدەكەی دەمپارتی لە راگەیەندراوێكدا ئەنجامی كۆبونەوەكانی خستۆتەڕو و جەختی كردەوە كە سەرجەم كۆبونەوەكانیان لەگەڵ سەرۆكی پەرلەمان و لایەنە سیاسییەكان راشكاوانە بون و پڕبون لە هیوای ئەرێنی.
وەفدەكەی دەم پارتی ئاماژەی بەوەشدا "بە هەمو تێڕوانین و هەڵسەنگاندنە ئەرێنییەكانمانەوە، بەم نزیكانە سەردانی ئۆجەلاین دەكەینەوە، ئەوپەڕی هەوڵ دەدەین بۆ گەرەنتیكردنی ئەوەی كە پڕۆسەكە بگاتە ئاشتی و دۆزینەوەی چارەسەر ئەوەش لەڕێگەی میكانیزمی بەهێز و كاریگەرەوە."
جەختیشی كردەوە كە "پشتیوانی گەل بۆ ئەم یددار و كۆبونەوانە، گرنگترین فاكتەرە بۆ بونیادنانی ئاشتی و گەیشتن بە چارەسەر."