سەرۆک وەزیرانی ئیسرائیل رایگەیاند، جەنگ بەشێوەیەکی کاتی دەوەستێت، دەشڵێت "بۆ ئاگربەست حەماس ناچار بووە بەو شتانە رازیبێت کە پێشووتر رەتیدەکردنەوە".
ئاوێنە: بنیامین نەتانیاهۆ، سەرۆک وەزیرانی ئیسرائیل وتی "وڵاتەکەمان ئاگربەستی پەسندکرد، چونکە خزمەت بە ئامانجەکانی جەنگ دەکات و حەماسیش ناچار بووە بەو شتانە رازیبێت کە پێشووتر رەتیدەکردنەوە".
وتیشی "لە قۆناغی یەکەمدا جەنگ بەشێوەیەکی کاتی دەوەستێت".
پەیوەست بە کشاندنەوەی هێزی وڵاتەکەی لە بەرەی فیلادێلفیا، سەرۆک وەزیرانی ئیسرائیل رایگەیاند "نەک هێز لە بەرەی فیلادلفیا ناکشێنینەوە، بەڵکو زیادیشی دەکەین".
نەتانیاهۆ لەبارەی دووبارە هەڵگیرساندنەوەی جەنگ ئاشکراشیکرد "بایدن و ترەمپ مافیان بە ئیسرائیل داوە ئەگەر پێویست بکات، دەست بە شەڕ بکەنەوە".