ئاژانسی رۆیتەرز بڵاویكردەوە، بزوتنەوەی حەماسی فەلەستینی رازی بوە لەسەر ئازادكردنی ژمارەیەك بارمتە لە چوارچێوەی ئەگەری رێككەوتنێكدا بۆ ئاگربەست لەگەڵ ئیسرائیل.
ئاوێنە: ئاژانسەكە، ئەمڕۆ یەكشەممە، لە زاری بەرپرسێكی بزوتنەوەی حەماسەوە وتویەتی، بزوتنەوەكەیان رازی بوە لەسەر ئازادكردنی 34 بارمتە كە بە لیستێك لەلایەن ئیسرائیلەوە پێشكەشیان كراون ئەوەش لەچوارچێوەی ئەگەری رێككەوتنێكدا بۆ ئاگربەست.
بەرپرسەكەی حەماس كە نەیویستوە ناوی بهێنرێت یجەختی كردۆتەوە، هەر رێككەوتنێكیان لەگەڵ ئیسرائیل مەرجدارە بەوەی كە سوپای ئەو وڵاتە لە غەززە بكشێتەوەو ئاگربەستێكی هەمیشەیی جێبەجێ بكرێت.