رێبوار تەها، پارێزگاری كەركوك رایگەیاند، 600 پارچە زەوی بەسەر ئەو مامۆستاو فەرمانبەرانەی زانكۆدا دابەش دەكەن كە سەرژمێری 1957یان هەیە.
ئاوێنە: رێبوار تەها، ئەمڕۆ شەممە، لە لێدوانێكدا بۆ رۆژنامەنوسان وتی، 600 پارچە زەوی بەسەر مامۆستایانی زانكۆدا دابەش دەكەن.
وتیشی، بەم نزیکانە تیروپشکی بۆ دەکرێت و هەر پارچە زەوییەکیش 200 مەترە.
رێبوار تەها، پارێزگاری کەرکووک لەبارەی بێبەشکردنی بەشێک لەو مامۆستایانە لە وەرگرتنی زەوی وتی"دابەشکردنی زەوی بەسەر مامۆستایانی زانکۆ، عەرەبی تەعریب ناگرێتەوە."
ئەوەشی خستەڕو، دابەشکردنی پارچە زەوییەکان تەنیا ئەو مامۆستا و فەرمانبەرە کورد و عەرەب و تورکمانانە دەگرێتەوە کە بە گوێرەی سەرژمێریی 1957 ناسنامەیان کەرکوكە.