میدیاکانى ڕۆژهەڵاتى کوردستان بڵاویان کردەوە، ژنێکی خەڵکی ئیلام لەلایەن باوکییەوە کوژرا، دەشڵێن، ئەو ژنە تەمەنى ٣٦ ساڵە و باوکیشى کە بکوژە تەمەنى ٧٠ ساڵە.
میدیاکانى ڕۆژهەڵاتى کوردستان لەبارەى کوژرانى ژنێک لە ئیلام لەلایەن باوکییەوە بەمجۆرە زانیارى دەخەنەڕوو.
ڕێکخراوەکانی مافی مرۆڤی کوردستان، کوژرانی ژنێکی گەنجیان لە ئیلام لەلایەن باوکیەوە ڕاگەیاند.
میدیاکانى ڕۆژهەڵاتى کوردستان بڵاویان کردەوە، شەوی شەممە ژنێکی تەمەن ٣٦ ساڵ لە ئیلامی ڕۆژهەڵاتی کوردستان لە لایەن باوکییەوە کوژرا و ناسنامەی ژنەکە تا ئێستا ئاشکرا نەکراوە .
ئەو ژنە تەمەنى ٣٦ ساڵە و باوکیشى کە بکوژە تەمەنى ٧٠ ساڵە و لە ئێستادا خۆى ڕادەستى هێزە ئەمنییەکانى شارەکە کردووە.
جێی باسە، بەپێی ئامارەکانی ڕێکخراوەکانی مافی مرۆڤی ڕۆژهەڵاتى کوردستان لە مانگی ئابی ساڵی ٢٠٢٤، لانی کەم ٢٣ ژن لە ڕۆژهەڵاتی کوردستان و ئێران کوژراون.