محەمەد کەمال، بەرپرسی لقی سێی پارتی دیموکراتی کوردستان لە کەرکوك رایگەیاند، حزبەكەیان كاندیدی بۆ پۆستی پارێزگاری كەركوك دەبێت و ناوی كاندیدەكەش لەلایەن مەسعود بارزانی، سەرۆكی پارتییەوە یەكلایی دەكرێتەوە.
ئاوێنە: محەمەد كەمال، بەرپرسی لقی سێی پارتی دیموكراتی كوردستان لە كەركوك، ئەمڕۆ سێشەممە، لە لێدوانێكدا رایگەیاند، بە فەرمیی کاندیدمان بۆ پۆستی پارێزگاری کەرکوک دەبێت.
وتیشی، ناوی كاندیدەكەمان لەلایەن مەسعود بارزانییەوە یەکلایی دەكرێتەوە.
ئاماژەی بەوەشدا، لەگەڵ لایەنەكان دەستدەکەین بە گفتوگۆ و دەبێت کاندیدی پارێزگار 9 دەنگی ئەنجومەن بەدەستبھێنێت.
بەرپرسەكەی پارتی جەختی كردەوە كە "بۆ ھیچ کەسێک نییە لە بەغداوە بەبێ گەڕانەوە بۆ لیستە براوەکان کاندید دیاری بکات."