ماوەی چوار رۆژە پەیامنێرێکی دەزگای میدیایی حەوت رۆژ لە ناحیەی شیلادزێ دەستگیرکراوە.
ئاوێنە: سوهەیب ئەحمەد، بەرپرسی دەزگای میدیایی 7 رۆژ رایگەیاند، ئەحمەد شامکی پەیامنێری دەزگاکەیان لە قەزای ئامێدی و ناحیەی شیلادزێ لەسەر ئاشکراکردنی دۆسیەیەکی گەندەڵی دەستگیرکراوە.
وتیشی، پەیامنێرەکەیان بەهۆی ئەوەی باسی لە فرۆشتنی بەشێک لە شەقامێکی گشتی ناحیەی شیلادزێی کردوە بە بەهای دو هەزار و 500 دۆلار، لەسەر سکاڵای سەرۆکی شارەوانی ناحیەکە دەستگیرکراوە و رێگە نادرێت بە کەفالەتیش ئازاد بکرێت.
ئاماژەی بەوەشکردوە، سەرجەم کونسوڵخانەو رێکخراوە نێودەوڵەتییەکان و سەنتەرەکانی داکۆکیکردن لە مافی رۆژنامەنوسانیان ئاگادارکردوەتەوە و هەمو هەوڵکیان خستوەتەگەر بۆ ئازادکردنی.