لە ئێوارەی ئەمڕۆوە نرخی هەر سێ جۆرەکەی بەنزین لە بەنزینخانەکان دادەبەزێت.
بەهمەن شێخ قادر، وتەبێژی بەنزیخانەكانی سلێمانی ڕایگەیاند، لە کاتژمێر چواری ئێوارەی ئەمڕۆوە نرخی بەنزین لە هەر سێ جۆرەکەی نۆرماڵ، موحەسەن و سوپەر بۆ هەر لیترێك ٢٥ دینار دادەبەزێت، بەپێی توانا هەوڵدەدەین نرخەکەی زیاتر داببەزینین.
بەهمەن شێخ قادر، سەبارەت بە هۆکاری دابەزینی نرخی بەنزین ڕایگەیاند بەرهەمی ناوخۆ زۆرە و خواست لەسەری کەمە، هاوکات بەنزینە ٧٥٠ دینارییەکەی ناوخۆ کوالیتی باشتر بووە بەراورد بە پێشتر خواستی هاووڵاتییان لەسەری زیادی کردووە کە لە ٥ بۆ ٦ بەنزینخانەی ناو شاری سلێمانی دەفرۆشرێت.
هاوکات ئێوارەی ئەمڕۆ نرخی لیتریک بەنزینی نۆرماڵ لە ٩٠٠ دینارەوە دەبێتە 875 دینار، موحەسەن لە ١١٢٥ دینارەوە دەبێتە ١١٠٠ دینار و نرخی بەنزینی سوپەر کە ١٢٧٥ دینارە دەبێتە ١٢٥٠.